Xaçmaz rayon İcra Hakimiyyətinin Başçısı Yalama kəndində səyyar qəbul keçirdi

  Xaçmaz  rayon İcra Hakimiyyətinin Başçısı təsdiq olunmuş qrafikə uyğun olaraq  səyyar qəbul keçirmişdir. Səyyar qəbul rayonun Yalama inzibati ərazi dairəsində keçirilmişdir. RİH Başçısı Şəmsəddin Xanbabayev sakinlərin müraciətlərini dinləmişdir.

  Sakinlər bir sıra məsələlərlə  bağlı, o cümlədən imtiyazlı şəxslərin mənzil növbəsinə götürülmə, yaşadıqları mənzillərin  qəzalı olması, elektrik şəbəkəsinin yenidən qurulmasını,yeni qaz xəttlərinin çəkilməsi,  əkin sahələrində suvarılma üçün suyun yetərli olmaması ilə bağlı müraciətlər etmişlər. Bir sıra kənd sakinləri    rayonda  aparılan geniş miqyaslı abadlıq-quruculuq işlərinə , xüsusilə yeni tikilmiş məktəb binalarına    görə ölkə Başçısı cənab İlham Əliyevə minnətdarlığını bildirərək, qısa müddətdə rayonumuzun  nəzərəçarpacaq dərəcədə gözəlləşdiyini qeyd etdi.

  Müraciətlərlə bağlı qəbulda iştirak edən rayon İcra Hakimiyyəti Başçısı Aparatının məsul şəxslərinə, rayonda fəaliyyət göstərən idarə, müəssisələrin  rəhbərlərinə  müvafiq tapşırıqlar verilmişdir. İcra Hakimiyyətinin Başçısı qəbulun gedişində Möhtərəm Prezidentimiz cənab İlham Əliyevin rəhbərliyi ilə ölkəmizin tərəqqisi, xalqımızın rifahının daha da yaxşılaşdırılması istiqamətində görülən çoxşaxəli işləri qeyd edərək, Xaçmaz  rayonu ərazisində həyata keçirilən layihələr barədə söhbət aparmışdır.