Xaçmazda Dövlət Bayraq Günü ilə bağlı tədbir keçirilib.

  Noyabrın 8-də Xaçmaz  rayonu ərazisində salınmış  Bayraq Meydanında  9 noyabr-Azərbaycan Respublikasının Dövlət Bayrağı günü münasibətilə Xaçmaz  rayon İcra Hakimiyyətinin   təşkilatçılığı ilə “Bayraq bizim  mənliyimizdir!” adlı tədbir keçirilib.Tədbirdə Xaçmaz rayon İcra Hakimiyyəti Başçısının birinci  müavini İlhamə Nəzərova, Yeni Azərbaycan Partiyasının Xaçmaz  rayon təşkilatının sədri Nazim Ağayev, Qarabağ  müharibəsi əlilləri, veteranları və şəhid ailələri ictimai birliyinin rayon üzrə nümayəndəsi Şövlət Dadaşzadə,  rayon təhsil şöbəsiinin müdiri Mədinə Nurməmmədova ,  gənclər  və idman idarəsinin əməkdaşları , rayon ümumtəhsil məktəblərinin rəhbərləri, rayon ictimaiyyəti və rayonun fəal gəncləri iştirak etmişlər.
  Tədbir ilk olaraq Dövlət Himninin  səslənməsi   ilə start götürmüşdür. Sonra çıxış edən Xaçmaz rayon İcra Hakimiyyəti Başçısının birinci müavini İlhamə Nəzərova   ölkəmizdə dövlət rəmzlərinə olan münasibətə diqqət çəkdi. Yeniyetmə və gənclərə bayraq sevgisinin daha geniş şəkildə aşılanmasının vacibliyindən danışan natiq ümummilli lider Heydər Əliyevin və Prezident cənab İlham Əliyevin dövlət rəmzlərinə, o cümlədən Dövlət Bayrağımıza olan münasibətinin hər bir vətəndaş üçün nümunə olduğunu nəzərə çatdırdı. İlhamə Nəzərova bildirildi ki, gün gələcək biz ölkə rəhbəri cənab Prezidentin qüdrətli siyasəti sayəsində torpaqlarımızı işğaldan azad edəcəyik və üçrəngli bayrağımız Qarabağda dalğalanacaqdır. Daha sonra 9 Noyabr - “Azərbaycan Respublikasının Dövlət Bayrağı günü” münasibətilə müxtəlif çıxışlar dinlənildi. Daha sonra rayon orta umumtəhsil məktəblərinin şagirdləri  şeirlər ilə tədbir  iştirakçıları qarşısında çıxışlar etmişlər. 
  Tədbir Bayraq Muzeyinə baxış keçirilməsilə  davam etdirildi.