Rayon rəhbərliyi 2 saylı körpələr evi-uşaq bağçasında rayonun balaca sakinləri ilə görüşdü.
Xaçmaz Rayon İcra Hakimiyyətinin başçısı Şəmsəddin Xanbabayev Xaçmaz şəhər 2 saylı körpələr evi-uşaq bağçasında olmuş və baxçada uşaqlar üçün yaradılmış şəraitlə yaxından tanış olmuşdur.
Xaçmaz Rayon İcra Hakimiyyətinin başçısı Şəmsəddin Xanbabayev uşaqlarla söhbət edib, xatirə şəkli çəkdirib.
Vurğulanıb ki, son illərdə rayonun məktəbəqədər tərbiyə müəssisələrində mövcud olan problemlər əsasən aradan qaldırılıb, aparılan metodik işlərin vəziyyəti, uşaqların təlim-tərbiyəsi və ərzaq təminatı məsələsi ciddi nəzarətdə saxlanılır. Bağçalarda istilik sistemi tam bərpa olunub. Əmək intizamına riayət edilməsi və ərzaq təchizatı ilə bağlı mütəmadi olaraq reydlər və yoxlamalar keçirilir. Hal-hazırda rayonda yeni uşaq bağçası üçün tikinti işləri də yekunlaşdırılmaq üzrədir.
Sonda körpələrin ifasında səhnəciklərə tamaşa edilib.
.jpg)
