Ölkəmizdə təhsilin, insan kapitalının inkişafı dövlət siyasətinin mühüm istiqamətidir
Azərbaycan Respublikasının Prezidenti cənab İlham Əliyevin sosial və iqtisadi sahədə həyata keçirdiyi layihələr Xaçmaz rayonunda da uğurla icra olunur. Ölkə başçısının və Azərbaycan Respublikasının Birinci vitse-prezidenti Mehriban xanım Əliyevanın xüsusi diqqət və qayğısı sayəsində rayonumuzda təhsilin maddi-texniki bazasının möhkəmləndirilməsi, yeni təhsil müəssisələrinin inşası, texniki cəhətdən yararsız məktəb binalarının müasir səviyyədə əsaslı təmir olunması sahəsində çox mühüm işlər görülmüşdür. Belə ki, 2019-2020-ci tədris ilində ölkə Prezidentinin Sərəncamlarına əsasən 484 yerlik 8 modul tipli ( 5 ibtidai, 2 ümumi orta və 1 tam orta məktəb) məktəb binalarında quraşdırma işləri davam etdirilir və bu tədris ilində müəllim və şagirdlərin istifadəsinə veriləcəkdir. Bundan başqa rayonun Xudat şəhərində 432 yerlik 1 nömrəli tam orta məktəb üçün yeni bina inşa edilir və hal-hazırda tikinti işləri davam etdirilir. Qımılqışlaq kəndindəki 480 yerlik tam orta məktəbdə isə əsaslı təmir-tikinti işləri aparılır. Hər iki məktəbin 2020-ci tədris ilinin dekabr ayında istifadəyə verilməsi nəzərdə tutulmuşdur.
Heydər Əliyev Fondu tərəfindən əsaslı təmir olunmuş 1176 yerlik Xaçmaz şəhər 6 nömrəli tam orta məktəb müəllim və şagird kollektivinin istifadəsinə verilmişdir.
Dövlətimizin başçısının böyük uzaqgörənliklə müəyyən etdiyi siyasi kurs, həyata keçirdiyi sosial-iqtisadi islahatlar, beynəlxalq münasibətlər sahəsində yürütdüyü siyasət rayon sakinləri tərəfindən birmənalı olaraq dəstəklənir.
