Çarxı kəndində növbəti səyyar qəbul keçirilib
13 aprel 2023 | 17:03
Xaçmaz Rayon İcra Hakimiyyətinin başçısı Elnur Rzayev yerli hüquq mühafizə orqanları, idarə, müəssisə və təşkilat rəhbərlərinin iştirakı ilə Çarxı kəndində səyyar qəbul keçirib.
Qəbulda Çarxı İnzibati Ərazi Dairəsi üzrə nümayədəliyinə daxil olan Çarxı və Xanlıqoba kəndlərinin sakinləri iştirak edib.
Sakinlər yaşayış binasının qazlaşdırılması, elektrik təsərrüfatının yenilənməsi, içməli və suvarma suyu ilə təchizat eləcədə digər məsələlərlə bağlı müraciətlər səsləndiriblər.
Rayon İcra Hakimiyyətinin başçısı Elnur Rzayev kənd sakinlərinin arzu və təkliflərini həssaslıqla dinləyərək, onları narahat edən problemlərin aradan qaldırılması istiqamətində müvafiq tapşırıqlarını verib. Bir çox müraciətlər yerindəcə həll edilib.
Sakinlər əhalinin problemlərinin həll edilməsi məqsədilə yerlərdə həyata keçirilən tədbirlərə, göstərilən yüksək diqqət və qayğıya görə Azərbaycan Respublikasının Prezidenti İlham Əliyevə və Birinci vitse-prezident Mehriban Əliyevaya minnətdarlıqlarını ifadə ediblər.
Keçidlər
