Elnur Rzayev şəhid anasını ziyarət edib.
Xaçmaz Rayon İcra Hakimiyyətinin başçısı Elnur Rzayev Xaçmaz rayon prokuroru Rəşad Məmmədovla birlikdə şəhid Kamil Şamil oğlu Məmmədovun ailəsini ziyarət edib.
Şəhid anası Validə Məmmədova ilə görüşən Elnur Rzayev ailənin qayğıları ilə maraqlanıb, şəhidimizin keçdiyi döyüş yolu, Müzəffər Ali Baş Komandan İlham Əliyevin rəhbərliyi altında Azərbaycan xalqının qazandığı Qələbə və ölkəmizin beynəlxalq aləmdə gündən-günə artan nüfuzu haqqında ətraflı söz açıb. Xaçmaz rayonunda şəhid ailələrinə və qazilərə göstərilən diqqət və qayğının bundan sonra daimi xarakter daşıyacağını diqqətə çatdırıb.
Şəhidimizin anası onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlığını ifadə edib.
Kamil Məmmədov "Cəsur döyüşçü", "Füzulinin azad olunmasına görə", "Xocavəndin azad olunmasına görə", “Cəbrayılın azad olunmasına görə” və digər medallarla təltif edilib.
