Elnur Rzayev Vətən müharibəsi qazisini evində ziyarət edib

Xaçmaz Rayon İcra Hakimiyyətinin başçısı Elnur Rzayev Niyazoba kəndində Vətən Müharibəsi qazisi Çingiz Məmməd oğlu Vəçhiyevin evində olub. Çingiz Vəçhiyevlə görüşən icra başçısı qazinin səhhəti ilə maraqlanıb.

Görüşdə Prezident, Müzəffər Ali Baş Komandan İlham Əliyevin rəhbərliyi ilə Vətən müharibəsində qazanılan qələbənin tarixi əhəmiyyətindən, bu qələbədə Silahlı Qüvvələrimizin, onun sıralarında döyüşən xaçmazlı əsgər və zabitlərin şücaətindən, habelə bu gün ölkəmizdə şəhidlərimizin ailələrinə və qazilərə, eləcə də döyüşçülərə göstərilən dövlət qayğısından danışıblar.

Qazi Çingiz Vəçhiyev cəbhə xatirələrindən, şərəfli döyüş yolundan bəhs edib.

Elnur Rzayev ailənin qayğıları ilə maraqlanıb, müraciət və təkliflərini dinləyib.

Çingiz Vəçhiyev və valideynləri göstərilən yüksək diqqət və qayğıya görə Azərbaycan Respublikasının Prezidenti İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər.

Qeyd edək ki, Vəçhiyev Çingiz Məmməd oğlu Silahlı Qüvvələrimizin sıralarında MAHHXHQ kimi xidmət edib. Vətən müharibəsində ağır yaralanan Vəçhiyev bir müddət əvvəl “YAŞAT” Fondu tərəfindən Türkiyədə müalicə olunaraq ölkəmizə qayıdıb. Qəhrəman qazimiz döyüşlərdə göstərdiyi şücayətlərə görə müxtəlif medallarla təltif olunub. 1-ci dərəcəli Vətən müharibəsi əlilidir.