Qımılqışlaq kəndində ağacəkmə aksiyası keçirilib.

23 dekabr 2024 | 19:06

Xaçmaz rayonunda “Yaşıl dünya naminə həmrəylik ili” çərçivəsində Xaçmaz Rayon İcra Hakimiyyəti və 5 saylı Regional Meşə Təsərrüfatı İdarəsinin birgə təşkilatçılığı ilə növbəti ağacəkmə aksiyası keçirilib.

Aksiyada Rayon İcra Hakimiyyətinin başçısı Elnur Rzayev, yerli hüquq mühafizə orqanlarının rəhbərləri, regional meşə təsərrüfatı idarəsinin əməkdaşları və rayon ictimaiyyətinin nümayəndələri iştirak ediblər. Qımılqışlaq kəndi ərazisində keçirilən ekoloji tədbir zamanı torpaq-iqlim şəraitinə uyğun gələn yeni meyvə ağacları əkilib.

Ağacəkmə tədbirlərinin keçirilməsində məqsəd yaşıllıqların artırılmasına, ətraf mühitin sağlamlaşdırılmasına və iqlim dəyişikliyi ilə mübarizəyə töhfə verməkdir.

Keçidlər