Xaçmaz Rayon İcra Hakimiyyətinin başçısı Elnur Rzayev vətəndaşları qəbul etdi
06 noyabr 2019-cu il tarixində Xaçmaz Rayon İcra Hakimiyyətinin başçısı Elnur Rzayev vətəndaşları qəbul etmişdir. Vətəndaş qəbulunda 152 nəfər rayon sakininin müraciəti dinlənilmişdir. Keçirilmiş qəbulda müxtəlif sosial kateqoriyalardan olan vətəndaşlar iştirak etmişdir. Vətəndaşlar tərəfindən edilmiş müraciətlər müxtəlif sahələri əhatə etmiş və hər bir problemin həllinə fərdi olaraq yanaşılmışdır. Dinlənilmiş çoxsaylı müraciətlərin bir qismi yerində həllini tapmış, digər müraciətlər isə qeydiyyata alınaraq nəzarətə götürülmüş və qaldırılan məsələlərin həlli ilə bağlı müvafiq qurumların rəhbərlərinə tapşırıqlar verilmişdir. Rayon rəhbəri qəbul zamanı bildirmişdir ki, rayonun sosial-iqtisadi inkişafını yüksəltmək, əhalinin maddi rifah halını təmin etmək, rayonun abadlaşdırılması Xaçmaz Rayon İcra Hakimiyyətinin fəaliyyətində əsas məqsədlərdən biridir. Xaçmaz Rayon İcra Hakimiyyətinin başçısı vətəndaşların diqqətinə çatdırmışdır ki, sakinlərin qaldırdıqları hər bir problemə diqqətlə yanaşılacaq, onların həlli üçün qəti qərarlar qəbul ediləcəkdir.
(1).jpeg)
