Xaçmaz Rayon İcra Hakimiyyətinin başçısı Elnur Rzayev rayon sakinləri ilə növbəti dəfə görüş keçirib.
13.11.2019-cu il tarixində baş tutan görüşdə idarə, müəssisə, təşkilat və xidmət sahələrinin rəhbərləri iştirak ediblər. Keçirilən vətəndaş qəbulunda 297 nəfər rayon sakininin müraciət və şikayətlərinə baxılmışdır. Məşğulluğun təmin edilməsi, məhəllədaxili yolların təmiri, qazla təmin edilməyən yaşayış məntəqələrinin qazlaşdırılması, dayanıqlı elektrik enerjisinin bərpa edilməsi, fərdi ev tikilməsi məqsədilə torpaq sahələrinin verilməsi və digər məsələlər öz əksini tapıb. Vətəndaşlar tərəfindən edilmiş hər bir müraciət diqqətlə dinlənilmiş və hər bir problemin həllinə fərdi olaraq yanaşılmışdır. Səsləndirilmiş çoxsaylı müraciətlərin bir qismi yerində həllini tapmış, digər müraciətlər isə qeydiyyata alınaraq nəzarətə götürülmüş və qaldırılan məsələlərin həlli ilə bağlı müvafiq qurumların rəhbərlərinə tapşırıqlar verilmişdir.
Xaçmaz Rayon İcra Hakimiyyətinin başçısı vətəndaşların diqqətinə çatdırmışdır ki, sakinlərin qaldırdıqları hər bir problem diqqətlə araşdırılaraq, onların həlli üçün qəti qərarlar qəbul ediləcəkdir.
.jpeg)
